Turmush — Токмок шаарындагы мектепте болгон окуя боюнча текшерүү иштери башталды. Бул тууралуу бүгүн, 23-сентябрда Чүй ОИИБдин басма сөз кызматы билдирди.

Маалыматка караганда, бул факт боюнча 22-сентябрда Токмок ШИИБге материал катталып, тергөөгө чейинки текшерүү жүрүп жатат. Факт каттоого алынганда окуучулардын ата-энелеринен арыз түшкөн эмес.

Текшерүүнүн жыйынтыгы менен чечим кабыл алынат.

Буга чейин Turmush Чүй облусунун Токмок шаарындагы 1-кичи районунда жайгашкан №9 орто мектепте тартылган видео талкуу жаратып жатканын жазган.

Окуя ушул жылдын 21-сентябрында болгон. Анда мугалим сабак учурунда окуучуларга кол көтөргөнүн көрүүгө болот.

Ал эми Чүй облустук методикалык билим берүү бөлүмү окуя териштирилип жатканын, мугалимге карата тиешелүү чара көрүлөрүн билдиришти.