Turmush — Жалал-Абад облусунун Сузак районунда 11 жаштагы өспүрүм бала изделип жатат. Бул тууралуу ОИИБдин басма сөз кызматы билдирди.

Маалыматка караганда, Сузак районунун Ленин айыл аймагынын Винсовхоз айылынын тургуну — 2011-жылы туулган Малаасман-оглы Али 2022-жылдын 9-октябрь күнү саат 17:00 чамасында ошол эле айылдын тааласында мал кайтарып жүрүп, качып кеткен бойдон дайынсыз болууда.

«Учурда Малаасман-оглы Алинин жүргөн жерин аныктоого мүмкүнчүлүк болбой жаткандыгына байланыштуу туугандары жана милиция аны табууга коомчулуктан жардам сурайт», — деп айтылат милициянын маалыматында.

Белгилери: бою 130-140 см, өңү кара тору, кашы-көзү, чачы кара, орто дене түзүлүштө.

Кийген кийимдери: үстүндө көк түстөгү жемпир, жашыл-ала түстөгү камуфляж шым, спорттук бут кийим.

Малаасман-оглы Али тууралуу маалыматы барлар 102, (03722) 7 39 90, 0771 93 60 70, 0553 78 00 78 телефон номурлары аркылуу билдирсе болот.