Turmush — Осмонбеков Канимет Бийзакович Лейлек райондук мамлекеттик администрациясынын башчысы — аким болуп дайындалды.

Turmush басылмасына маалым болгондой, тиешелүү буйрукка президент Садыр Жапаров кол койду.

Жаңы акимди райондук администрациясынын аппаратына тааныштыруу эртең, 14-августка пландалган.

Ал бул кызматка Алмазбек Рахманкуловдун ордуна дайындалды.

Канимет Осмонбеков 2018-жылдын февраль айынан 2023-жылдын август айынын башына чейин президенттин Талас облусундагы ыйгарым укуктуу өкүлүнүн биринчи орун басары болуп иштеген. Ал кызматтан бошотуу тууралуу арыз жазганы маалым болгон.