Turmush — Бүгүн, 15-ноябрда Ош шаардык кеңешинин кезектеги 14-сессиясы өтүп жатат, деп билдирди Turmush басылмасынын кабарчысы.

• Күн тартибине 12 маселе коюлган. Учурда ар түрдүү маселелер каралып жатат.

Депутат Хулькар Исамова («Ата Журт-Кыргызстан» фракциясы) борбордук А.Сүйүмбаев стадионунун айланасындагы сатылып кеткен жерлер боюнча сурады.

Бул суроого Ош шаардык прокуратурасынын прокурору Өмүрбек Жүжүров жооп берди. Анын айтымында, аталган иш тергелип жатат, жакында сотко өткөрүлөт.