Turmush — Ош—Баткен унаа жолунун Кадамжай районунун Алга айыл аймагындагы тилкесинде жол кырсыгы катталды.

Окуянын күбөлөрү кырсыкты видеого тартышкан. Андан эки унаа кагышып, анын кесепетинен унаалар өрттөнүп жатканын көрүүгө болот.

Алдын ала маалыматка караганда, кырсыктан эки адам каза болгон. Мындан тышкары, жаракат алгандар дагы бар. Учурда алардын бирине операция жасалып жатат.

Унаалардын бири «Опель», экинчиси «Лексус» экени айтылууда.