Turmush — Бүгүн, 29-мартта саат 15:00дөн бери Чүй облусунун Москва районунун айыл аймактарында кар жаап жатат. Бул тууралуу жергиликтүү тургундар билдирди.

Алардын айтымында, эртең менен күн ачык эле болчу. Түш ченде катуу шамал жүрүп, бир аз жааган жамгыр карга айланды. Учурда кар катуулап жаап, айлананы ак кар чүмкөй баштады. Бул айрымдар үчүн жагымсыз абалды да жаратууда. Дыйкандар эгин талааларына жазгы үрөн себе электигин айтышса, мал чарбасы менен алектегендер тоюттун бир таңгагы 400 сомдон жогору болуп кеткенине нааразы. Эми түн ичинде күндүн табы өтө төмөн түшүп кетсе, гүлдөй баштаган өрүктөрдү үшүк алышы мүмкүн.