Turmush — Баткен облусунда батирде бекилип калган кыздар куткарылды. Бул тууралуу ӨКМдин басма сөз кызматы билдирди.

Маалым болгондой, куткаруучуларга 23-декабрда саат 17:18де Кызыл-Кыя шаарынын 60 жылдык көчөсүндөгү көп кабаттуу үйдүн батиринин эшиги бекилип калгандыгы тууралуу маалымат келип түшкөн.

Куткаруу иштерине №62 өрткө каршы куткаруу бөлүгүнүн куткаруучулары тартылган.

Көп кабаттуу турак үйгө үч шатынын жардамы менен чыгып, батирдин терезеси аркылуу кирген куткаруучулар саат 17:38де эшикти ачып беришкен.

Батирдин ичинде 2012-жылы жана 2009-жылы туулган бир тууган кыздар болгон.

Жабыркагандар болгон жок.