Turmush — Кечээ, 8-октябрь күнү Ош шаарында орус-кыргыз инвестициялык форуму болуп өттү. Форумдун расмий ачылышына чейин үч бөлүктө түрдүү темаларда талкуулар болду.

«Евразиялык транспорттук-логистикалык коридорлор жана соода аянтчалары — эл аралык сооданын глобалдык системасындагы атаандаштыкка жөндөмдүүлүктүн фактору» аталышындагы талкууда төмөнкү маселелер каралды:

— Транс улуттук транспорттук долбоорлор — биргелешкен ишке ашыруу жана «дүйнөлүк соода океанына» чыгуунун бирдиктүү стратегиясы;

— Эл аралык соода аянтчаларынын кеңири мүмкүнчүлүктөрү: эмне үчүн базарлар пайдалуу?;

— Ош шаары — Борбор Азиянын аба жана логистикалык борбору;

— Евразия агроэкспресс: келечекке көз караш (импорт/экспорт).

Ошондой эле «Региондун текстиль өнөр жайын өнүктүрүү: салттарды кайра жаратуу» боюнча:

— Пахта өндүрүүнүн перспективалары жана жаңы технологиясы;

— Пахта-текстиль кластерлери: Өзбекстандын тажрыйбасы;

— Жеңил өнөр жай — Фергана өрөөнүнүн экономикасын өнүктүрүүнүн кыймылдаткыч күчү;

— Тигүү өнөр жайы үчүн базарлар: ыңгайлуу, арзан жана пайдалуу;

«Кыргызстан дүйнөлүк текстиль бренддеринин фабрикасы» темалары талкууга алынып, спикерлер тарабынан баяндоолор окулду.