Turmush — Чүй облусунун Аламүдүн районунда жол жээгинде мыйзамсыз май саткандарга рейд жүрүп жатат. Бул тууралуу Чүй ОИИБдин жол кыймылынын коопсуздугун камсыздоо бөлүмүнөн билдиришти.

Маалым болгондой, иш-чарага жол кыймылынын коопсуздугун камсыздоо бөлүмүнүн, айыл өкмөттөрдүн кызматкерлери жана Салык кызматынын Аламүдүн райондук бөлүмүнүн өкүлдөрү катышты.

Бүгүн, 7-сентябрь күнү Бишкек—Нарын—Торугарт (айланма жол) жана Бишкек—Кордай унаа жолдорунда желим бөтөлкөлөргө күйүүчү май куюп, коопсуздук эрежелерин сактабай, мыйзамсыз май сатып жаткан жарандарга Укук бузуулар кодексинин 179-беренесинин 1-бөлүмүнө (жол жээгиндеги тилкелерде тиешелүү органдар менен макулдашпастан, соода түйүндөрүн, тамактануу пункттарын, сервистерди же жарнама такталарын, паннолорду, афишаларды, транспаранттарды, көрнөктөрдү, плакаттарды, белгилерди, көрсөткүчтөрдү куруу же уюштуруу ) ылайык 6 протокол түзүлүп, 36 000 сом айып салынды. Жалпы 1 тонна 860 литр күйүүчү май алынды.