Turmush — Бүгүн, 27-июнда Жалал-Абад облусунун Базар-Коргон районунун Сейдикум айыл аймагынын Дүкүр айылындагы башталгыч мектептин жаңы имараты пайдаланууга берилди.

Маалыматка карганда, иш-чарага президенттин Жалал-Абад облусундагы ыйгарым укуктуу өкүлү Абсаттар Сыргабаев, жергиликтүү бийлик өкүлдөрү жана айыл тургундары катышты.

Буга чейин тар жана эскилиги жеткен мектепте бир катар кыйынчылыктар жаралып келген. Жаңы имараттын курулушуна жергиликтүү бюджеттен каражат бөлүнүп, элдик салым кошулуп жана демөөрчүдөн каржылык көмөк көрсөтүлдү.

• Акыркы каттоо боюнча, Дүкүр айылында 917 адам жашайт.