Turmush — Ысык-Көл микрокредиттик агенттигинин директору болуп Азамат Бактыбек уулу дайындалды.

Микрокредиттик агенттиктин негиздөөчүсү катары президенттин Ысык-Көл облусундагы өкүлчүлүгү көрсөтүлгөн. Агенттик өзүн-өзү каржылаган уюм болуп саналат.

Кадрдык өзгөрүүлөр президенттин Ысык-Көл облусундагы ыйгарым укуктуу өкүлүнүн алмашуусунун негизинде жүрүп жатат. Буга чейин аталган кызматты Данияр Арпачиев аркалап келген. Ал кечээ, 28-февраль күнү президенттин Ысык-Көл облусундагы ыйгарым укуктуу өкүлүнүн биринчи орун басары болуп дайындалды.

Азамат Бактыбек уулу 1992-жылы 1-апрелде туулган.

Билими:

— 2009-2011-жылдары К.Тыныстанов атындагы Ысык-Көл мамлекеттик университетинин колледжинде финансист адистигине окуган;

— 2011-2014-жылдары К.Тыныстанов атындагы Ысык-Көл мамлекеттик университетинин финансы жана кредит факультетинде экономист кесиби боюнча билим алган.

Эмгек жолу:

— 2018-2019-жылдары СМК «ХЕЛПЕР» ЖЧКсында механик;

— 2022-жылдын 15-июлунан бүгүнкү күнгө чейин Ысык-Көл микрокредиттик агенттигинде кредит боюнча адис болуп иштеген.