Turmush — Кечээ, 20-майда саат 17:30дар чамасында Жалал-Абад облусунун Аксы районунун аймагында мөндүр аралаш жаан жаады.

ӨКМдин басма сөз кызматынын маалыматы боюнча, жамгырдын кесепетинен Авлетим, Кызыл-Туу айыл аймактарында жайгашкан турак жай, айыл чарба жерлерине да сел суулары кирип, ички жана №12 жол тейлөө ишканасынын балансындагы автожолдорго кум-шагыл түшүп, жол бир тараптуу жабылган.

Мындан сырткары Кара-Жыгач айыл өкмөтүнүн Дардак-Дөбө участкасында эки турак үйдүн чатырын шамал учуруп, электр жарыгы үзгүлтүккө учураган.

Жеринде Аксы райондук өзгөчө кырдаалдар бөлүмүнүн өздүк курамы эки топко бөлүнүп, тактоо иштерин жүргүзүүдө.