Turmush — Ак-Талаа районунун Тоголок Молдо айыл аймагына караштуу Кызыл-Белес айылынын 2 мугалими республикалык сынакта алдыңкы орунду камсыздашты. Бул тууралуу аймактык кабарчы билдирди.

Аталган айылдын С.Атамбеков атындагы орто мектебинин мугалими Касиет Сулайманованын айтымында, Ж.Баласагын атындагы улуттук университетте «Мыкты класс жетекчи — 2024» сынагы өткөрүлгөн. Ага Ак-Талаа районунан жалпы 8 мугалим катышып, сынак 5 этап менен жүргүзүлгөн.

Жыйынтыгында аталган мектептин мугалими Адилбек Көчөрбаев 3-орунду, ал эми Касиет Сулайманова 5-орунду камсыздоо менен «Илимий сабак» номинациясы менен сыйланышты.