Turmush — Нарын облусунун Ак-Талаа районунда жөлөк пул алган 50 үй-бүлө 100 миң сомдун сертификаттарын алышты. Бул тууралуу аймактык кабарчы билдирди.

Маалым болгондой, Кыргыз Республикасынын Министрлер Кабинетинин 15-июль күнү чыгарылган №385 токтому боюнча «Үй-бүлөгө көмөк» аталышындагы социалдык контракт боюнча жөлөк пул алуучуларга түшүндүрүү иштери жүргүзүлдү.

Анын натыйжасында жөлөк пул алган 50 үй-бүлө 100 миң сомдон көмөк алуу үчүн арыз жазган. Мунун негизинде бүгүн, 14-сентябрь күнү комиссия тарабынан аныкталган 50 үй-бүлөгө 100 миң сомдун сертификаттары тапшырылды.

Сертификат тапшырууга аким Жумадилла Жапаров, акимдин орун басары Кенжегүл Карагулова жана райондук эм­гек, социалдык камсы­здоо жана миграция башкармалыгынын жетек­чиси Эрлан Качкынбае­в катышты. Тапшыруу иш-чаранын жүрүшүндө жетекчилер сертификат алып жаткандардын иштери тиешелүү мекемелер менен бирге текшерилерин белгилешти.