Turmush — Административдик-аймактык реформанын алкагында Талас облусунун Бакай-Ата районундагы айыл аймактарды 4 айыл өкмөткө бириктирүү пландалып жатат.

Реформанын максаты элге кызмат көрсөтүүнүн сапатын жогорулатып, калктын жашоо-турмушун жакшыртууга өбөлгө түзүү, жергиликтүү бийлик органдарынын жоопкерчилигин жогорулатуу, ошондой эле чечимдерди ыкчам кабыл алуу, жергиликтүү бийликтин ишмердүүлүгүндөгү коррупциялык тобокелдиктерди төмөндөтүү болуп саналат.

Бакай-Ата райондук мамлекеттик администрациясы тарабынан айыл аймактарын ирилештирүү боюнча долбоор даярдалды. Анда 9 айыл аймакты 4 айыл аймакка бириктирүү сунушталат.

Долбоор боюнча:

— Бакай-Ата жана Миң-Булак айыл өкмөттөрү биригет. Калкынын саны 12993 адамды түзөт. Курамына Бакай-Ата, Наматбек, Миң-Булак айылдары кирет.

— Боо-Терек жана Оро айыл өкмөттөрү бригет. Калкынын саны 12443 адамды түзөт. Курамына Боо-Терек, Кыргызстан, Жон-Коргон, Биринчи май айылдары кирет.

— Ак-Дөбө, Өзгөрүш, Кең-Арал айыл өкмөттөрү биригет. Калкынын саны 16959 адамды түзөт. Курамына Ак-Дөбө, Өзгөрүш, Кең-Арал айылдары кирет.

— Акназаров жана Шадыкан айыл өкмөттөрү биригет. Калкынын саны 12214 адамды түзөт. Курамына Кызыл-Октябрь, Маданият, Таш-Кудук, Көк-Таш, Урмарал, Ынтымак, Түйтө айылдары кирет.

Учурда Бакай-Ата районунда 9 айыл аймак бар. Алар:

— Бакай-Ата айыл аймагы: Бакай-Ата айылы, Наматбек айылы;

— Акназаров айыл аймагы: Кызыл-Октябрь айылы, Көк-Таш айылы, Таш-Кудук айылы, Урмалар айылы, Маданият айылы;

— Оро айыл аймагы: Кыргызстан айылы, 1-май айылы, Кара-Суу айылы;

— Ак-Дөбө айыл аймагы: Ак-Дөбө айылы;

— Кең-Арал айыл аймагы: Кең-Арал айылы;

— Шадыкан айыл аймагы: Түйтө айылы, Ынтымак айылы;

— Боо-Терек айыл аймагы: Боо-Терек айылы;

— Миң-Булак айыл аймагы: Миң-Булак айылы;

— Өзгөрүш айыл аймагы: Өзгөрүш айылы.