Turmush — Жалал-Абад шаарында2 тоннадан ашуун жапайы кара куурай жок кылынды. Бул тууралуу облустук милициянын басма сөз кызматы билдирди.

Жалал-Абад шаардык ички иштер бөлүмүнүн кызматкерлери Тайгараев айылдык башкармалыгынын Кыргызстан участкасынын тааласында өскөн жапайы кара куурайды орушту. Жалпысынан 2 гектар жерден 2 тоннадан ашуун жапайы кара куурай топтолуп, өрттөлүп жок кылынды.

Мындан сырткары Жалал-Абад ШИИБдин баӊгизаттарын мыйзамсыз жүгүтүүгө каршы күрөшүү кызматынын кызматкерлери тарабынан шаар аймагында тынымсыз профилактикалык жумуштар жүргүзүлүп келүүдө. Жергиликтүү тургундарга, студенттерге, жаш өспүрүмдөргө баӊгизаттарынын зыяндуулугу боюнча маалыматтар жеткирилип жатат.