Turmush — Кечээ, 30-июнь күнү саат 13:05 чамасында Тоң районунда унаа кырсык катталды. Бул тууралуу күбөлөр билдиришти.

Маалматка караганда, кырсык Балыкчы шаарын 4-5 чакырым жетпеген жерде болгон. Балыкчы шаарынын тургуну жүк ташуучу фура башкарып бара жатып күн батыш тарапты көздөй бурулуп жаткан учурда Бишкек шаарынын 1991-жылы туулган тургуну Б.Н. «Мерседес-Бенц Спринтер» унаасы менен сол капталын сүзгөн.

Ага катар эле ошол эле багытта келе жаткан Бишкек шаарынын 1990-жылы туулган тургуну Ш. уулу Т. дагы «Мерседес-Бенц Спринтер» унаасы менен жогоруда аталган жүк ташуучу унааны сүзүп алган. Натыйжада «Мерседес-Бенц Спринтердин» жүргүнчүлөрү, Бишкек шарынын тургундары — 1980-жылы туулган Т.З., 2004-жылы туулган Т.кызы К. Балыкчы шаардык ооруканасына кайрылышкан.