Turmush — Бүгүн, 8-январь күнү Ош шаарында Райымбек Матраимовдун үй-бүлөсүнө тиешелүү болгон үйдүн алдындагы дубал тосмо бузулуп жатат.

Ош шаардык мэриясынын муниципалдык менчик башкармалыгынан билдиришкендей, бүгүн эртең менен аталган башкармалыктын өкүлдөрү атайын техникалар менен барганда, үй ээси өз эрки менен бузмай болгон.

«Эртең менен техника менен барганбыз. Бир аз бузгандан кийин үй ээси өз каражатынын эсебинен бузуп, материалдарын алмай болду.

Ош регионалдык шаар куруу жана архитектура башкармалыгы кызыл сызыктан 9 метр чыгып кеткен деп маалымат берген. Ошонун негизинде карап көргөнбүз. Үй ээлери дубалды өздөрү буздуруп жатышат», — деп билдиришти Ош шаардык мэриясынын муниципалдык менчик башкармалыгынан.