Turmush — Ош шаардык ички иштер башкармалыгында эмгектенген айымдарга сыйлыктар тапшырылды. Бул тууралуу ШИИБдин басма сөз кызматы билдирди.

Бүгүн, 7-мартта башкармалыктын айым кызматкерлерин жана ардактуу ардагерлерди башкармалыктын жетекчилиги Аялдардын эл аралык майрамы менен куттукташты. Аларга каалоо-тилектер айтылып, коомдогу активдүү ролу дагы бир жолу баса белгиленди.

«Бүгүнкү күндүн айымдары — коомдогу активдүү күч. Канчалык чыгаан, атактуу болбосун баарын аял киши бул жарык дүйнөгө алып келип, таалим-тарбия берип, эрезеге жеткирген. Сиздер коомду алдыга жетелеген негизги күчсүздөр, дайыма арабызда бар болуп, бизге арка-жөлөк болуңуздар», — деди Ош шаардык ички иштер башкармалыгынын башчысы Марлис Асанов.

Андан соӊ майрам ээлерине Ички иштер министрлигинин, Ош шаардык ички иштер башкармалыгынын сыйлыктары салтанаттүү түрдө тапшырылды.