Turmush — Москва районунда мөмөлүү дарактардын көчөттөрү өткөн жылга салыштырмалуу 50 сомдон 80 сомго чейин көтөрүлдү. Бул тууралуу аймактык кабарчы билдирди.

Маалым болгондой, райондун борбору Беловодск айылындагы базарда ар түрдүү сорттогу бактардын көчөттөрү сатылып келет. Түштүктөн жана Чүйдүн аймактарынан алынып келинген алма, алча, өрүк жана башка көчөттөрүнүн баасы өткөн жылы 100-150 сом болсо, быйыл 50 сомдон 80 сомго чейин көтөрүлдү. Анын себебин соодагерлер күйүүчү майдын баасына байланыштуу жол киренин кымбаттаганы менен түшүндүрүштү.