Turmush — Кечээ, 30-ноябрда Бишкектеги Кожомкул атындагы спорт сарайында «КРдин жергиликтүү өз алдынча башкаруу кубогу» кичи футболунун финалдык мелдеши жыйынтыкталды.

Кемин райондук мамлекеттик администрациясынан билдиришкендей, жыйынтыктоочу оюнда Кемин районунун курама командасы 3-орунду алды.

Буга чейин обулустарда тандоо турлары уюштурулуп, Ош облусунун Кара-Суу району, Баткен облусунун Баткен району, Жалал-Абад облусунун Ноокен району, Чүй районунун Кемин району, Талас облусунун Талас району, Нарын облусунун Жумгал району, Ысык-Көл облусунун Ак-Суу раойну 2-турга өтүшкөн болчу.

Ошентип финалдык мелдеште төмөнкү командалар ийгиликке жетише алышты:

— 1-орун — Шаардык кеңештердин төрагаларынын командасы (республикалык жана облустук маанидеги);

— 2-орун — Ысык-Көл облусунун Ак-Суу райондук командасы (айыл өкмөт башчылары, айылдык кеңештердин төрагалары);

— 3-орун — Чүй облусунун Кемин районунун командасы (айыл өкмөт башчылары, айылдык кеңештердин төрагалары).

Мындан сырткары «Мыкту дарбазачы», «Мыкты коргоочу», «Мыкты чабуулчу» номинациялары менен дагы сыйланышты.