Turmush — Аламүдүн районунун Кашка-Суу айылынын «Кашкулак» тоо лыжа базасында сайга түшүп кеткен жаран куткарылды. Бул тууралуу ӨКМдин Чүй облустук башкармалыгынан билдиришти.

Маалым болгондой, 20-январда 2001-жылы туулган Т.Ж.М. коктуда сноуборд тээп бара жатканда сайга кулап кеткен.

Жерине саат 17:30да №1 ӨКБдан жооптуу лейтенант А.Акылов менен 4 куткаруучу чыгып кеткен.

Т.Ж.М. саат 20:20да табылган. Эч жери жабыркаган эмес. Куткаруучулар аны сайдан алып чыгып, Бишкек шаарына жеткиришкен.