Turmush — Бакай-Ата районунун Кара-Коюн жайлоосуна жылан жийделер отургузулду. Бул тууралуу эколог Гамал Соронкулов билдирди.

Анын айтымында, анын көчөттөрү Ала-Букадан алынып келинген.

«Жылан жийде (Зизифус (унаби), жожоба, кытай курма) деген аталышы бар бадал өсүмдүктүн көчөттөрүн Ала-Буканын Көк-Ташынан Бакай-Ата районундагы Кара-Коюн жайлоосуна алып келдик. Аларды Кара-Коюн үңкүрүнүн айланасына отургуздук. Жаңы жерде өсүп-өнүп кетсин деген ниет кылдык», — деди ал.

• Зизифус (унаби) — кытай жийдеси медицинада, косметологияда жана кулинарияда пайдалуу өсүмдүк. Анын даамы курмага окшоп кетет. Анын жемишин дарычылык үчүн жешет.