Turmush — Ош шаарында кызматтык унааларга жол бербеген айдоочуларга айып пул салынды. Бул тууралуу Ош ШИИБ боюнча милициянын кайгуул кызматынан билдиришти.

Маалыматка караганда, Ош шаарынын аймагында 29-30 апрель күндөрү «Маяк» аталыштагы рейддик иш-чара өттү. Анын алкагында атайын үн чыгарып жана атайын жарык менен жүрүүчү кызматтык автоунааларга жол бербеген айдоочуларга түшүндүрүү иштери жүргүзүлүп, Укук бузуулар кодексинин негизинде тиешелүү протоколдор түзүлдү.

Жалпы 28 айдоочу 10 миң сомдон 280 миң сом өлчөмүндөгү айып пул салынды.