Turmush — Жалал-Абад облусунун Аксы районуна караштуу Үч-Коргон айыл аймагында Нарын дарыясына түшүп кеткен жаран изделүүдө. Бул тууралуу бүгүн, 2-майда ӨКМдин басма сөз кызматы билдирди.

Алдын ала маалымат боюнча, 1963-жылы туулган П.И. аттуу эркек киши Кыз-Жар айылында Нарын дарыясына түшүп кеткендиги тууралуу маалымат түшкөн.

Жерине издөө иштерин жүргүзүүгө Тоо кырсыгынан куткаруу кызматынын Таш-Көмүр шаарында жайгашкан №6 өзүнчө мобилдик тоо кырсыгынан куткаруу взводунан 5 куткаруучу, Аксы райондук өзгөчө кырдаалдар бөлүмүнөн 4 куткаруучу, Таш-Көмүр шаардык өзгөчө кырдаалдар бөлүмүнөн 4 куткаруучу жана ИИМден 2 кызматкер, ошондой эле жергиликтүү тургундардан 10 адам тартылды.