Turmush — Нарын облусунун Ак-Талаа районунда «Мыкты мугалим-2024» жана «Мыкты тарбиячы-2024» сынагынын жеңүүчүлөрү аныкталды.

Ак-Талаа райондук билим берүү бөлүмүнүн башчысы Каныбек Эсеналиевдин айтымында, 30-апрель күнү «Билимдүүгө дүйнө жарык» аталыштагы салтанаттуу иш-чара өтүп, ага жергиликтүү бийликтин өкүлдөрү, демөөрчүлөр жана агартуу тармагынын кызматкерлери катышты.

«Мыкты мугалим» сынагынын жыйынтыгы:

— баш байге — Кызыл-Белес айылынын Сүйүнбек Атамбеков атындагы орто мектебинин биология мугалими Нурбек Байшериев, Ташкентке жана Египетке эс алууга жолдомо алды;

— 1-орун — Баетов айылынын Шүкүрбек Бейшеналиев атындагы орто мектебинин химия мугалими Күмүшай Мамаева, 10 миң сом менен сыйланды;

— 2-орун — Баетов айылынын Эсенгул Карасартов атындагы орто мектебинин башталгыч класстарынын мугалими Каныкей Муканбеткалый кызы, 7 миң сом менен сыйланды;

— 3-орун — Жерге-Тал айылынын Итикул Молдобаев атындагы орто мектебинин башталгыч класстарынын мугалими Сайра Ашыркожоева, 5 миң сом менен сыйланды.

«Мыкты тарбиячы» сынагынын жыйынтыгы:

— баш байге — Тоголок Молдо айылынын «Адис-Адилет» бала бакчасынын тарбиячысы Светлана Доктурбек кызы, Ташкент жана Египетке эс алууга жолдомо алды.

— 1-орун — Баетов айылынын «Тынчтык» бала бакчасынын тарбиячысы Айжамал Бусурманкул кызы, 10 миң сом менен сыйланды;

— 2-орун — Ак-Кыя айылынын «Келечек муун» бала бакчасынын тарбиячысы Астра Эсеналиева, 7 миң сом менен сыйланды;

— 3-орун —Чолок-Кайың айылынын Кайбылда Касмалиев атындагы бала бакчасынын тарбиячысы Жылдыз Муктарбек кызы, 5 миң сом менен сыйланды.

Мындан тышкары сынакка катышкан бир катар тарбиячыларга 1 миң сомдон 5 миң сомго чейин акчалай сыйлыктар ыйгарылып, ошондой эле райондук билим берүү бөлүмүнүн жана облустук усулдук билим берүү борборунун сыйлыктары тапшырылды.