Turmush — Эркин күрөш боюнча Чүй облусунун ачык биринчилигинде жайылдык спортчулар алтын, күмүш жана коло медалдарга ээ болушту.

2023-жылдын 18-20-ноябрь күндөрү Ысык-Ата районунун Ичке-Суу айылында жаштар арасында эркин күрөш боюнча Чүй облусунун ачык чемпионаты болуп өттү.

Турнирге Чүй облусунан жана Бишкек шаарынан 183 жаш балбан катышты.

Жайыл районунан машыктыруучу Мурат Курманалиевдин жетекчилиги астында 5 спортчу катышып, 1 алтын, 1 күмүш жана 1 коло медалга ээ болушту: 21 кг салмакта Ариет Муратов 3-орунга, 23 кг салмакта Нуркелди Алишеров 1-орунга, 35 кг салмакта Бексултан Ашырбеков 2-орунга татыды.

Жеңүүчүлөр турнирдин уюштуруучулары тарабынан эстелик медалдар, дипломдор жана баалуу сыйлыктар менен сыйланышты.

Турнирди Ичке-Суу айылынын жаштары уюштурган.