Turmush — Ак-Суу райондук билим берүү бөлүмүнүн башчысы болуп Иманалиев Болот Токтоналиевич дайындалды.

Маалым болгондой, бул кызматта Алтынбек Жапаров эмгектенип келген. Ал билим берүү министирлигине кеткендигин байланыштуу Ак-Суу райондук мамлекеттик администрациясынын тескемесине ылайык, Болот Иманалиев дайындалды. Аны жамаатка бүгүн, 16-январда акимдин орун басары Г.Суранчиева тааныштырды.

Б. Иманалиев 2023-жылдан ушул күнгө чейин С.Турсунов атындагы Бишкек агро-экономикалык колледжинин директору болуп иштеп жаткан.

Иманалиев Болот Токтоналиевич 1979-жылы 26-декабря Кант шаарында туулган. Үй-бүлөлүү, 4 баланын атасы.

Билими:

1997-2002-жылдары Ж.Баласагын атындагы Кыргыз улуттук университетинин филолог, кыргыз тили жана адабияты мугалими адистигине окуган;

Мамлекеттик кызматынын 2-классынын кеңешчиси.

Иш тажрыйбасы:

— 2003-2004-жылдары Бишкек шаарындагы №35 орто мектеби — кыргыз тили жана адабияты мугалими;

— 2004-2006-жылдары Бишкек шаарындагы №35 орто мектеби — тарбия иштери боюнча директордун орун басары.

— 2006-2006-жылдары Бишкек шаарындагы №87орто мектеби — мамлекеттик тил боюнча директордун орун басары;

— 2006-2006-жылдары Бишкек шаарындагы Свердлов райондук билим берүү борбору —жаштар саятсаты боюнча жетектөөчү адис;

— 2006-2007-жылдары Бишкек шаарындагы билим берүү башкармалыгы — жаштар саятсаты боюнча адис;

— 2007-2008-жылдары Бишкек шаарындагы билим берүү башкармалыгы — башкы адис;

— 2008-жылы Бишкек шаардык билим берүү башкармалыгы — тарбия иштери боюнча сектор башчы;

— 2008-жылы Бишкек шаардык билим берүү башкармалыгы — тарбия иштери боюнча жетектөөчү адис;

— 2008-2014-жылдары Кант шаарындагы №5 кесиптик билим берүүчү орто мектеп —директор;

— 2014-2023-жылдары Ысык-Ата райондук билим берүү бөлүмүнүн башчысы;

— 2020-2021-жылдары Билим берүү жана илим министрлиги — коллегия мүчөсү;

— 2023-жылдан бүгүнкү күнгө чейин С.Турсунов атындагы Бишкек агро-экономикалык колледжинин директору.