Turmush — Ош облусунун Кара-Суу районунун Мады айыл аймагынын Кыргыз-Чек айылындагы жол кырсыктын кесепетинен адам өмүрү кыйылды.

Ош облустук жол кыймылынын коопсуздугун камсыздоо бөлүмү тастыктаган маалымат боюнча, 27-октябрда саат 01:10 чамасында Бишкек—Ош унаа жолунун 650-чакырымында Кара-Суу районунун 23 жаштагы тургуну М.М.нын башкаруусундагы «Тойота Камри» үлгүсүндөгү унаа чыгыштан батышты карай бара жатып, жолдун түндук тарабынан түштүк тарабына өтүп бара жаткан 60-65 жаштагы жөө жүргүнчүнү сүзүп кеткен. Анын кесепетинен жөө жүргүнчү окуя болгон жерде каза болгон.

Аталган факты Кара-Суу РИИБдин маалыматтык электрондук журналына катталып, текшерүү иштери башталган.

Окуя болгон жерге Кара-Суу РИИБдин ыкчам тергөө тобу барып, кароо жүргүзүлүп, жол кыл кырсыгына кабылган унааны айып короого киргизилген. Ал эми айдоочу тергөөгө алынып келип, сурак берип жатат.

Соттук-медициналык, соттук-автотехникалык экспертизалар дайындалып, тергөө иштери уланууда.

Буга чейин Кара-Суу районунда жолдун жээгинен эркек кишинин жансыз денеси табылганы маалымдалган.