Turmush — Баткен районунун Төрт-Гүл айыл аймагына караштуу Чоң-Талаа айылында 225 орундуу Чоң-Талаа орто мектебинин курулушу башталды, деп билдирет Turmush басылмасынын аймактык кабарчысы.

Маалыматка караганда, айыл өкмөтү тарабынан 1,4 гектар жер аянты мектеп үчүн ажыратылган. Курулуучу мектеп 2 кабаттан турат, 225 орунга ылайыкташтырылган.

Мектепти куруу мөөнөтү — 2023-жылдын апрель-август айлар аралыгына белгиленген.

Курулуштун тендердик баасы 83,2 млн сом.

Өткөн жылы чек арада орун алган куралдуу жаңжалда мектептин 2021-жылы курулуп, пайдаланууга берилген биринчи окуу корпусунун имараты толугу менен талкаланып, калган үч корпусу да жабыркаган.