Turmush — Баткен шаарында «Мыкты тарбиячы—2023» кароо сынагы өткөрүлдү, деп билдирет аймактык кабарчы.

Сынак Баткен шаардык билим берүү бөлүмү тарабынан уюштурулуп, мектепке чейинки билим берүү мекемелеринде эмгектенген 4 тарбиячы катышты.

Катышуучулар чыгармачыл педагогикалык билимдери менен бөлүшүп, иш тажрыйбаларын көрсөтүштү. Жыйынтыгында калыстар тобу тарабынан жеңүүчүлөр аныкталып, аларга акчалай сыйлыктар жана баалуу белектер тапшырылды.

— 1-орун — «Алтын-Бешик» бала бакчасынын тарбиячысы Гүлмира Исакова;

— 2-орун — «Акжолтой-Баткен» бала бакчасынын тарбиячысы Уулжан Кубанычбек кызы;

— 3-орун — «Өрүкзар» бала бакчасынын тарбиячысы Акмарал Сабирова.