Turmush — Баткен шаарында жана Баткен районунда эт дүкөндөр жабылып, сатуучулар жумушун ташташты. Бул тууралуу аймактык кабарчы билдирди.

Маалыматка караганда, Баткен шаарындагы эт дүкөндөр 2 күндөн бери жабык. Ага касапканалар, мал союучу жайлар бааны кымбаттатканы себеп болууда.

Мындан улам кечээ, 22-майдан тарта эт саткандар иш ташташты. Алар алдыда дагы бир жума жумушка чыкпай турганын билдиришүүдө. Муну менен катар бүгүн, 23-майда Баткен районунда да эт дүкөндөр жабылды.

Ал эми шаардагы кафелердин ээлери жана тургундар башка район-шаарлардан жана Ош шаарынан эт алдырып жатканын айтышты.