Turmush — Бүгүн, 10-ноябрда Чүй облусунун Кара-Балта шаарындагы Жайыл РИИБде аймактык милициянын түзүлгөндүгүнүн 93 жылдыгы белгиленди. Бул тууралуу аймактык кабарчыга мэриянын басма сөз кызматы билдирди.

Майрамга карата Жайыл РИИБдин бир катар кызматкерлери «Ардактуу аймактык тескөөчү», «Азамат», «Кадырман» аттуу төш белгилери жана ардак грамоталары менен сыйланышты.

Иш-чарага Жайыл районунун акими Төрөкелди Түркбаев, Кара-Балта шаарынын мэри Мирлан Жекшенов жана башка жетекчилер, милиция кызматкерлери катышты.

Кара-Балта шаарында 18, райондо 31 аймактык тескөөчү бар.