Turmush — Ысык-Көлдүн акваториясында милициянын эки гидроцикли кызмат көрсөтөт. Аталган техника бүгүн, 3-июнь күнү Чолпон-Ата шаарындагы ипподромдо милициянын гарнизондук саптык кароосунда көрсөтүлдү.

Ички иштер министрлигинин басма сөз кызматы бул гидроциклдер качан сатылып алынганын, кимдер тарабынан каржыланганы боюнча маалымат берген жок.

Милициянын гарнизондук саптык кароосуна КРдин ички иштер министри, милициянын генерал-лейтенанты Улан Ниязбеков, министрдин орун басары Октябрь Урманбетов, президенттин Ысык-Көл облусундагы ыйгарым укуктуу өкүлү Алтынбек Сулайманов жана Ысык-Көл ОИИБдин жетекчиси Канат Жумагазиев катышты.