Turmush — Талас шаарында жыл башынан бери 329 жолбун ит атылды. Бул тууралуу Талас шаардык мэриясынын басма сөз кызматы билдирди.

«Талас шаардык коммуналдык кызмат көрсөтүү ишканасынын кызматкерлери тарабынан жолбун иттерди атуу уланууда. Ага Талас шаардык мэриясынын бюджетинен 300 миң сом каралган. Бүгүнкү күнгө чейин 329 ит атылды. Атылган иттер тереңдиги 12 метр беккари чуңкуруна ыргытылды.

Талас шаарында жолбун иттер көбөйүп, өзгөчө таңда жана кечкисин шаар тургундарына анын ичинен өзгөчө жаш балдарга кооптуулук жаратып келген. Бүгүнкү күндө жолбун иттерди атуу уланууда», — деп айтылат маалыматта.