Turmush — Нарын шаарында ички иштер органдарына кызматка алуу боюнча сынак өтүп жатат. Бул тууралуу Нарын ОИИБдин басма сөз кызматы билдирди.

Маалым болгондой, катардагы кенже, орто жана улук жетектөөчү курамдын тиешелүү кызматтарындагы орундарга кадрлар резервин түзүү үчүн жарыяланган сынак 2023-жылдын 29-мартынан тартып жүргүзүлүүдө. Анда талапкерлердин билими, жеке сапаттары, жөндөмдүүлүгү, кесиптик даярдыгы текшерилип жатат.

Талапкерлердин саны көп болгондуктан, алар 3 топко бөлүнүп, сынак беришүүдө.