Turmush — Нарын шаарында бир тонна көмүр 5000 сомдон сатылып жатат. Бул тууралуу аймактык кабарчы билдирди.

Нарын шаарында 13 жерде көмүр кампалары уюштурулган. Учурда Кара-Кече көмүр кесиминен алынып келген «кара алтындын» тоннасы 5000-5500 сомго чейин сатылса, мүшөгү 250 сомдон бааланууда.

Нарын шаарынын жашоочуларына жалпы 9 миң тонна керектелет. Октябрь айынын ортосунда жеке ишкерлер көмүрдүн тоннасын 6 миң сомго чейин сатып келишкен болчу.

Учурда калктын аялуу катмарын арзан отун менен камсыздоо иштери жүрүүдө.

Буга чейин Кочкор районунда көмүрдүн 1 тоннасы 4500-5000 сомдон сатылып жатканы кабарланган.