Turmush — Раззаков шаарында имамдар арасында сынак өттү. Бул тууралуу Лейлек райондук казыятынан билдиришти.

Маалыматка караганда, Лейлек районунун имамдарына «Мээрим пайгамбары Мухаммад алейхи салам» аттуу китептен сынак уюштурулуп жеңүүчүлөргө атайын сыйлыктар тапшырылды. 1-орунду Тогуз-Булактын мечитинин имамы Эгембердиев Садирдин ээлеп, муздаткыч менен сыйланды. 2-орунду Фатих мечитинин имамы Исмаилов Закирбек ээлеп, электр меши менен, 3-орунду алган Шахмыр мечитинин имамы Жумабаев Таалайбек сыналгы менен сыйланды.

Калымкулов Калымкул жана Кузуев Халкожа аттуу молдолор атайын ардак грамота менен сыйланды.