Turmush — Кыргызстанда жапайы өрдөктөргө жазгы аңчылык жүрүп жатат.

Мергенчилердин айтымында, быйылкы сезон абдан ийгиликтүү өтүүдө. Жазгы аңчылык сезону 2024-жылдын 9-мартынан 23-мартына чейин созулат.

Кыргыз Республикасынын Жаратылыш ресурстары, экология жана техникалык көзөмөл министрлигинин буйругуна ылайык, бул мезгилде жапайы өрдөктөргө атайын бөлүнгөн аңчылык жерлерде аңчылык кылууга уруксат берилет.

«Бул сезон көптөгөн мергенчилер үчүн ийгиликтүү болду. Алар мыкты олжолорго ээ болушту. Буга төмөнкү факторлор көмөктөштү — быйыл өрдөктөрдүн негизги учуусу аңчылык мезгилине туура келди. Булуттуу, жаан-чачындуу аба ырайы миңдеген мергенчилердин аңчылыкка чыгышына шарт түздү», — деп билдирет Чүй-Бишкек мергенчилер жана балыкчылар коому.

«Аңчылык ийгиликтүү өттү. Сокулук суу сактагычында өрдөктөр ушунчалык көп болгондуктан, күнүмдүк кармоо нормасын аткаруу он мүнөттө эле болду», — дейт мергенчи-спортчу Александр Сосин.