Turmush — Каракол шаарынын алгачкы жолу шайыр тапкычтар арасында мелдеш өттү, деп билдирет аймактык кабарчы.

Анда шаардагы 8 мектептин окуучулары катышып, ат салышты.

Оюндун максаты — жаштардын чыгармачылык дараметин ачуу, шаардагы мектеп арасындагы ынтымакты чыңдоо, учурдагы коомдогу терс азгырыктарга балдардын азгырылышын алдын алуу.

«Балдардын тамашалары да билим-илимге, ынтымакка үндөө талабын койдук. Күйөрмандар өтө көп болуп, балдардын таланттын колдоп турушту. Мындан ары ар бир сезондо жылына төрт оюн өткөрөлү деп жатабыз. Чоңдор арасында лига жана жаштар лигасы болот», — дейт Каракол шаардык маданият бөлүмүнүн жетекчиси Таалай Илипбаев.

Жыйынтыгында Каракол шаардык мэринин кубогун «ВМ» командасы утуп алып, 30 миң сом менен сыйланды. 2-орунду «Тдеал» жана «Голден смайл» командалары багынтып, 20 миң сомдон алышты. Ал эми 3-орунду «Недагон» командасы камсыздап, 15 миң сом акчалай сыйлыкка ээ болушту.