Turmush — Ош облусунун Кара-Суу шаарын буга чейин 17 мэр башкарган. Учурда 18-мэр болуп Бакытбек Жээналиев иштеп жатат.

• Кара-Суу шаары Ош облусундагы райондук маанидеги шаарлардын бири. Ал Кара-Суу районунда жайгашкан. 2023-жылга карата калкынын саны 27 миң 149 адамды түзөт.

• Кара-Суу аркылуу эл аралык маанидеги Бишкек—Ош—Үрүмчү (Кытай) унаа жолу, Жалал-Абад—Андижан (Өзбекстан) темир жолу өтөт. Шаардын негизги экономикасы — Кыргызстандын түштүгүндөгү бардык райондордун кардарларды тейлеген Кара-Суу базары.

Кара-Суу шаарын башкарган мэрлер:

1. Мария Яковлевна Богданова 1960-жылдан 1961-жылга чейин иштеген.

2. Зоя Васильевна Ерошкина 1961-жылдан 1962-жылга чейин иштеген.

3. Акбар Абдуллаев 1963-жылга 1965-жылга чейин иштеген.

4. А.Х.Беганов 1965-жылдан 1970-жылга чейин иштеген.

5. Э.И.Ахметов 1974-жылдан 1975-жылга, 1978-жылдан 1980-жылга чейин иштеген.

6. Мамат Турдибаев 1975-жылдан 1978 жылга чейин иштеген.

7. М.А.Апышев 1980-жылдан 1981-жылга чейин иштеген.

8. Р.Самсаков 1981-жылдан 1985-жылга чейин иштеген.

9. А.Шеров 1985-жылдан 1990-жылга чейин иштеген.

11. Н.Н.Нурахунов 1990-жылдан 1992-жылдын аягына чейин иштеген.

12. К.У.Урманов 1993-жылдан 1994-жылга чейин иштеген.

13. Шаятов 1994-жылдан кийин башкараган ( канча жыл мэр болгону белгисиз);

14. Махмуд Рахимов 2006-жылы мэр болуп бир жыл толук иштеген.

15. Ахмад Рахимов 2007-жылдан 2013-жылга чейин иштеген.

16. Зарлык Тургунбаев 2013-жылдан 2017-жылга чейин иштеген.

17. Куттугалы Козубаев 2017-жылдын 11-октябрынан 2020-жылдын июль айына чейин иштеген.

18. Адыл Лолобаев 2020-жылдын июль айынан 2022-жылдын февралына чейин иштеген.

19. 2022-жылдын февраль айынан бүгүнкү күнгө чейин Бакытбек Жээналиев мэрлик кызматты аркалап келе жатат.

Бакытбек Женалиев