Turmush — 5-мартта бириккен Кара-Балта шаардык кеңешинин уюштуруу сессиясы болуп өттү.

Жайыл райондук АШКнын төрагасы Нурадил Жумабаев 8 жаңы депутатты тааныштырды. Алар Кара-Балта шаардык кеңешине мурунку Калинин айылдык кеңешинен келишти. Депутаттар мөөнөтү аяктаганга чейин, тактап айтканда бир жыл шаардык кеңеште болушат:

Алдеева Айгүл Абдырасуловна, 1986-жылы туулган;

Бейшенбек уулу Айбек, 1999-жылы туулган;

Бошкоева Зарина Асылбашевна, 1977-жылы туулган;

Коңурбаева Нуркүл Эшимбековна, 1963-жылы туулган;

Мысаев Алмазбек Калыйнурович, 1996-жылы туулган;

Токтогул кызы Чолпон, 1977-жылы туулган;

Чокморова Мооркан Асановна, 1961-жылы туулган;

Абдусаматов Уларбек Кульманович, 1973-жылы туулган.

Ошентип Кара-Балта шаардык кеңешинде депутаттардын саны 39 депутатка жетти.

Н.Жумабаев ошондой эле административдик-аймактык реформанын (АТР) максаттары жана милдеттери тууралуу маалымат берди. Маалыматка ылайык, 2023-жылдын 29-декабрында Кыргыз Республикасынын президентинин №370 «Кыргыз Республикасынын айыл аймактарынын жана шаарларынын деңгээлинде пилоттук режимде административдик-аймактык реформа жүргүзүү жөнүндө» жарлыгы кабыл алынган.

Эске салсак, Кара-Балта дагы облустук маанидеги шаар макамын алуу алдында турат.

Кара-Балта шаарына облустук макам берүү жөнүндө жарлыкка президент Садыр Жапаров кол койгон.