Turmush — Чүй облусунун Ысык-Ата районуна караштуу Красная Речка айылында унаа кырсыгы катталып, адам өмүрү кыйылды. Бул тууралуу бүгүн, 20-октябрда ӨКМдин басма сөз кызматынан билдиришти.

Күбөлөрдүн айтымында, унаадагы эки жаран теӊ Ысык-Ата районунун Юрьевка айылынын тургундары болгон.

«Кечээ күнү туман болчу. Ушундан улам жол көрүнбөй калып, каналга кулап кетишти окшойт. Бала суудан сүзүп чыкса, жаш кыз унаадан чыга албай калыптыр», — дешти алар.

Кырсык болгон жерден 1990-жылы туулган М. уулу К. аттуу эркек киши суудан сүзүп чыккан. Куткаруучулар барып, унааны суудан чыгарышкан. Унаанын ичинен 2001-жылы туулган И. кызы Ф. аттуу кыздын жансыз денеси табылып, ИИМ кызматкерлерине өткөрүлүп берилген.