Turmush — Райондун борборунун инфратүзүмүн жакшыртуу жана эс алуучулар үчүн жагымдуу шарт түзүү максатында Чүй облусунун Москва районуна караштуу Беловодск айылындагы борбордук эс алуу сейил багы жарыктандырылды. Бул тууралуу айыл өкмөтүнөн билдиришти.

Маалым болгондой, Беловодск айылы райондун борбору болуп саналат.

«Учурда борбордук эс алуу паркын оңдоо-түзөө иштери жүрүп жатат. Ал жайдагы жөө жүргүнчүлөр басуучу жолдор, ага коюлган аркалар, балдар ойноочу жайлар, эс алуучу отургучтар жана башкалар сырдалып, иретке келтирилүүдө. Ошону менен бирге ал жерлерге атайын жарыктандыруу коюлуп, алар жандырылды. Эми түн ичинде да коопсуздукка шарт түзүлдү», — деди айыл өкмөтүнөн.

Эс алуу паркын толук оңдоп-түзөөгө жергиликтүү бюджеттен 3 млн сомдон ашык каражат каралган.