Turmush — Балыкчы шаарынын биринчи вице-мэри Азиз Асаналиевге карата үй камагына алуу түрүндөгү баш коргоо чарасы бир айга, 2022-жылдын 20-ноябрына чейин узартылды.

Ысык-Көл облустук сотунун басма сөз кызматы Turmush басылмасына билдиргендей, Балыкчы шаардык сотунун 17-октябрдагы чечими менен ведомстволор аралык тергөө тобунун жетекчисинин өтүнүчү менен А.А.га карата баш коргоо чарасынын мөөнөтүн узартуу берилди. Үй камагынын мөөнөтү 2022-жылдын 20-ноябрына чейин узартылды.

Балыкчы шаарынын биринчи вице-мэри Азиз Асаналиев шаардын батыш тарабына балык базарын курууда мыйзам бузуу фактысы боюнча козголгон кылмыш ишинин алкагында айыпталуучу болуп чыккан.

Асаналиевди тергөө органдары 337-берененин 3-бөлүгүндө («Кызматтык абалынан кыянаттык менен пайдалануу») каралган кылмышты жасаган деп айыптап жатат. Ошентип, 2019-жылдын 28-февралында УКМКнын Ысык-Көл облусу боюнча башкармалыгына арыз менен Балыкчы шаары боюнча элдик көзөмөлдүн (ОО «АКНК» ) координатору С.Н. шаар мэри А.М.га жана мэриянын алдындагы муниципалдык менчик башкармалыгынын башчысы А.А. карата чара көрүүнү суранган. Алар Балыкчы шаарынын батыш тарабындагы жабык балык базарын (балык базары) курууда муниципалдык бюджеттен 4 млн 950 миң сом мыйзамсыз чыгымдалганы айтылган.

Асаналиевди тергөө органдары Кылмыш-жаза кодексинин 337-беренесинин 3-бөлүгүндө (кызматтык абалынан кыянаттык менен пайдалануу) каралган кылмышты жасаган деп айыптап жатат. 2019-жылдын 28-февралында УКМКнын Ысык-Көл облусу боюнча башкармалыгына арыз менен Балыкчы шаары боюнча элдик көзөмөлдүн ( «АКНК» акционердик коому ) координатору С.Н. шаар мэри А.М.га жана мэриянын алдындагы муниципалдык менчик башкармалыгынын башчысы А.А. карата чара көрүүнү суранган. Алар Балыкчы шаарынын батыш тарабындагы жабык балык базарын курууда муниципалдык бюджеттен 4 млн 950 миң сом мыйзамсыз чыгымдалганы айтышкан.

Буга чейин Асаналиев муниципалдык менчик башкармалыгынын жетектеген.

Балыкчы шаардык сотунун 2022-жылдын 22-сентябрындагы токтому менен ведомстволор аралык тергөө тобунун жетекчисинин сунушу канааттандырылып, айыпталуучу Асаналивге баш коргоо чарасы катары бир айга — 2022-жылдын 19-октябрына чейин камакка алуу тандалган. Ал Каракол шаарындагы №23 убактылуу кармоочу жайга (СИЗО) камакка алынган.

Чечим менен макул болбогон жактоочу Ысык-Көл облустук сотуна апелляциялык арыз менен кайрылып, Кылмыш-жаза процессуалдык кодекстин бузулганын көрсөтүп, Асаналиевге карата тергөө судьясынын токтомун жокко чыгарууну жана ведомстволор аралык тергөө тобунун жетекчисинин сунушун канааттандыруусуз калтырууну суранган.

Ысык-Көл облустук сотунун жазык иштери жана жоруктары боюнча соттук коллегиясынын аныктамасында айыпталуучу Асаналиев тергөө органдары тарабынан белгиленген зыяндын ордун толтурганы айтылат.

Айыпталуучунун карамагында үч жашы жете элек кызы бар, жубайы 25 жумалык кош бойлуу.

2022-жылдын 11-октябрында Ысык-Көл облустук сотунун соттук коллегиясы Асаналиевге 2022-жылдын 19-октябрына чейин үй камагына алуу түрүндөгү баш коргоо чарасын тандаган. Натыйжада ал сот залында камактан бошотулган.

• Бул кылмыш иши тууралуу Башкы прокурор Зулушев 2022-жылдын 15-сентябрында Балыкчы шаарынын тургундары менен болгон жолугушууда сөз кылды. Андан соң жергиликтүү тургун Мамбеталиева балык базарын куруудагы мыйзам бузууларды иликтөө боюнча ишти Башкы прокурордун көзөмөлүнө алууну өтүндү.

Башкы прокурор Курманкул Зулушев Алмаз Мамбетовго карата төрт иш козголгонун билдирди.

«Тергөө иштерин УКМК жүргүзгөн, азыр прокуратуранын кароосуна алынып, тергөө тобу түзүлдү. Мен жеке көзөмөлгө алам. Алмаз Мамбетовдун күнөөсү далилденсе, ал жоопкерчиликке тартылат. Ал ошол эле жаран, эч кандай өзгөчөлүгү жок », — деди башкы прокурор.