Turmush — Нарын облусунун Ат-Башы районундагы Кара-Булуң айылындагы Абыл Искендеров атындагы орто мектебинин жылуулук ситемасы алмаштырылды.

Ат-Башы райондук билим берүү бөлүмүнүн башчысы Орозбек Солтобаевдин айтымында, бул мектептин жылуулук системасы мектеп курулгандан бери алмашыла элек болчу. Жылуулук системасын жаңыртууга 1 млн 879 миң 583 сом жумшалды.

Абыл Искендеров атындагы орто мектеби 2008-жылы курулган. Ата-энелердин айтымында, бул мектептеги учурдагы негизги көйгөй — тар болгону.

Айжан Досумбаеванын аталган мектепте 3 баласы окуйт.

«Мектепке балдар батпай жатат. 370 бала билим алып жатат, мектеп 180 орундуу деп курулган. Эки нөөмөт менен окушат. Кошумча корпус курулса жакшы болмок», — деди ал.