Turmush — Кечээ, 2-ноябрда Ош облусунун Араван районунда «Алтын күз-2022» аталышындагы жармаңке өттү. Бул тууралуу райондук мамлекеттик администрациядан билдиришти.

Маалыматка караганда, жармаңкеге райондун аймагындагы дыйкандар өндүргөн продукциялар коюлуп, базар баасына салыштырмалуу арзан баада сатылды.

Иш-чаранын алкагында Араван районунун айыл чарба тармагын өнүктүрүүгө салым кошкон дыйкандарга, ошондой эле жармаңкеге активдүү катышкан дыйкан чарбалардан жана айыл өкмөттөр арасында мыктылар аныкталып, ардак грамота жана акчалай сыйлыктары менен сыйланды.

Жармаңке концерттик программа менен коштолду.