Turmush — Ош облусунун Алай районунда селдин кесепеттерин жоюу иштери улантылып жатат. Бул тууралуу бүгүн, 7-майда ӨКМдин басма сөз кызматы билдирди.

Маалым болгондой, 3-май күнү саат 16:30 чамасында Корул, Жошолу, Коңур-Дөбө жана Гүлчө айыл аймактарында катуу жааган жамгырдын кесепетинен сел жүрүп, жалпы район боюнча 287 турак үйдүн короолорун сел каптаган. Анын ичинен 41 турак үйдүн жана 1 орто мектептин жер төлөөсүнө, 3 турак үйдүн ичине, 1 ФАПтын жана 1 китепкананын короосун каптап, 15 баш кой, 8 баш уй, 3 баш жылкыны агызган. Ошондой эле 4 ички чарбалык көпүрө селден жабыркап, 6 электр мамычасы иштен чыгып, электр энергиясы үзгүлтүкө учураган.

Бүгүн жерине ӨКМдин ыкчам тобу ККББнын КБП унаасы менен 5 кызматкер, Ош облусу боюнча башкармалыгынын ыкчам тобунан 2 офицер, РӨКОдон 66 куткаруучу жана 1 мотопомпа, Алай райондук №68 ӨКБдан 19 куткаруучу 4 офицер жана 1 мотопомпа, ӨКМЖБДдан 3 кызматкер, ӨКААКЖК 6 кызматкер, Коргоо министрлигинин №92843 аскер бөлүгүнөн 20 аскер кызматкер, райондук ЖК кызматтарынан 50 кызматкер, мекеме-ишканалардан 30 кызматкер, жергиликтүү тургундардан 100 адам тартылган.