Turmush — Ала-Бука райондук ички иштер бөлүмүнүн милициянын көчмө кабылдамасынын унаасы менен кызматкерлер чек арага жакын жайгашкан Биринчи май айыл аймагын кыдырышты. Бул тууралуу Жалал-Абад ОИИБдин басма сөз кызматы билдирди.

Маалыматка караганда, жергиликтүү тургундар менен жолугушуп, аларга юридикалык кеңештер берилип, сунуштары кабыл алынды. Айыл жашоочуларына жаш балдарды түнкү убакытта себепсиз көчөгө чыгарбоо зарылдыгы айтылды. Ошондой эле малдарын көзөмөлсүз калтырбоо жана мал уурулардан сак болуу керектиги эскертилди. Мындан сырткары мектеп окуучулары менен жолугушуулар өткөрүлүп, түшүндүрүү иштери жүргүзүлдү.

Ала-Бука РИИБдин милициянын көчмө кабылдама унаасы 2022-жылдын 8 айында 61 жолу аймактарды кыдырууга чыккан. Анда 69 ар түрдүү мазмундагы кайрылуулар кабыл алынып, 4 факты Кылмыштардын бирдиктүү реестрине катталган.