Turmush — Ак-Суу районунун Маман айылында Апрель окуясында курман болгондор эскерилди, деп билдирет аймактык кабарчы.

Маалыматка караганда, эскерүү иш-чарасына акимдин орун басары Гүлзат Суранчиева, айыл эли жана мектеп окуучулары катышты. Иш-чара алгач жөө жүрүш менен башталды.

Анда 2010-жылдын 7-апрелиндеги революцияда курман болгон Эрлан Жантаев эскерилип, гүлчамбар коюлуп, куран окутулду. Андан соң окуучулар тарабынан дайрдалган театралдаштырылган концерттик программасы уюштурулду.

Жергиликтүү бийлик тарабынан Элдик революцияда курман болгон Эрлан Жантаевдин үй-бүлөсүнө акчалай жардам берилди.